Մանչեսթեր Յունայթեդը և Adidas-ը երկարատև պայմանագիր են կնքել ակումբի մարզահագուստների պատրաստման համար 2014 թվականին և այսօր ներկայացրեցին նոր համատեղ դիզայնը ակումբի համար: Ակումբը պահպանում է Chevrolet-ի հետ համագործակցությունը, որպես հովանավորի:

Մանչեսթեր Յունայթեդը մարզաշապիկների վաճառքի թվով աշխարհում առաջատարներից է, սակայն այս տարի՝ խախտելով ավանդույթը, ամենաուշն է ներկայացնում նոր մարզաշապիկները:

Մարզաշապիկների կարգախոսն է - Վերամիավորում՝ կոտրելով սպասելիքները (Reunited to Break Expectations):

Մարզաշապիկն ամբողջությամբ կարմիր է՝ սպիտակ դետալներով: Adidas-ը վերադարձրել է ակումբի ավանդական պատմական դիզայնը, որն օգտագործվել է 1980-ականներին՝ ընկերության դասական երեք սպիտակ գծերով, V-աձև սպիտակ օձիգով, թևքերի սպիտակ ծայրերով: Մարզաշապիկն ունի գրաֆիկական դիզայն և իր տեսքով նման է 1990 թվականի մարզաշապիկին, որն իր առաջին դեբյուտային խաղում կրել է ակումբի Լեգենդ Ռայան Գիգսը:

Նոր տնային շորտը սպիտակ է՝ երկու կողմերից Adidas-ի կարմիր գծերով, իսկ նոր տնային մարզաշապիկի համար մշակվել են երկու տեսակի գիտրիներ՝ սև և սպիտակ: