Անգլիական Լիվերպուլը և New Balance (NB) ընկերությունը ներկայացրեցին ակումբի 2015/16 մրցաշրջանի տնային, հյուրընկալվող և 3-րդ մարզաշապիկները:

Սա առաջին անգամ է, որ New Balance ընկերությունը ներկայացնում Լիվերպուլի բոլոր մարզաշապիկները, երբ այս տարվա ապրիլ ամսից Warrior ընկերությունը վերակազմավորվեց New Balance-ի:

Տնային մարզաշապիկը ակումբի ավանդական կարմիր գույնով է` դասական դիզայնով: Առջևի մասում այն ունի շախմատաձև ձևավորում և սպիտակ լոգոտիպեր: Նոր տնային շորտը և գիտրին ևս ամբողջությամբ կարմիր են:

Հյուրընկալվող մարզաշապիկը ամբողջությամբ սպիտակ գույնով է, այն ավելի ժամանկակից դիզայն ունի և համադրված է էլեգանտ կարմիր դետալներով: Հյուրընկալվող շորտը և գիտրին ևս ամբողջությամբ սպիտակ են:

Ակումբի 3-րդ մարզաշապիկը ամբողջությամբ սև է, իսկ առջևի մասում տարբեր լայնությունների մոխրագույն գծեր են: 3-րդ մարզահագուստը համալրումեն սև շորտն ու գիտրիները: