Իտալական Լացիոն և Macron ընկերությունը ներկայացրեցին ակումբի 2015/16 մրցաշրջանի տնային և 3-րդ մարզաշապիկները:

Տնային մարզաշապիկը ակումբի ավանդական երկնագույն և սպիտակ գույներով է՝ վերևի հատվածում յուրահատուկ սպիտակ մարող գծերով:

Իսկ 3-րդ մարզաշապիկը սպիտակ է՝ նույնպիսի մարող գծերի դիզայնով, որոնք այս շապիկի վրա երկնագույն են: Մարզաշապիկը համադրված է գեղեցիկ մուգ կապույտ դետալներով:

Ըստ Macron-ի հայտնած տեղեկության, հյուրընկալվող մարզաշապիկն այս տարի կլինի անցած մրցաշրջանի հատուկ արծիվով մարզաշապիկի դիզայնով, որը նվիրված էր ակումբի ստեղծման 115-ամյակին: Այս մարզաշապիկը, ըստ երկրպագուների, լավագույնն է ակումբի պատմության մեջ:

Այս մրցաշրջանում Լացիոն Չեմպիոնների Լիգայի որակավորման փուլի ուղեգիր է նվաճել և յուրահատուկ ձևով է նախապատրաստվում մրցաշրջանին: